【ღ】ورق عنب حآمض وملضلض و بنص سآعه بس من طيـورر【ღ】

السلام عليكم

صرآحتن لي فتره متابعه المنتدى و بهدوء تآآآم ~

ومالي اي حس الا يادوب مشاركات ~

فحبيت اليوم أحرر طاقه النشاط اللي فيني و اوريكم طريقتي في الورق العنب مرا سهله واهم شي الحشوة مافيها طبخ رز ولا شي لانه هو اساسا بيستوي ~

قبل اي شي أنا انسانه أحب شي اسمه ورق عنب ومثل ما قلت في احد مواضيعي مستعده افطر و اتغداء و اتعشى ورق عنب ماعندي اي مشكله اطلاقاً ~

ولي فتره ماعاد اسويه لانه منجد كان يطلع عيوني ، بطبخه اللي ياخذ 3 ساعات << حشى و لا مفطح ~

فالحمدلله حالياً اعتمدت في طبخه على قدر الضغط واحلى مافي الموضوع كله انه نص ساعه و هو جاهز ~

وصرت اسويه كل ماشتهيته ولا افكر بالتعب ابد ~

فاذا انتي تحبين الورق العنب حااااامض و ملضلض من الحموضه وبوقت هين مالك الا طريقتي ~

المقادير ~

علبه ورق عنب. << أحلى نوعين "اورلاندو" و "قودي"

2 و نص كآس رز مصري مغسول و منقوع.

للحشوة ~

2 طماطم مقطعه قطع صغير.
1 حبه بصله متوسطه مقطعه صغار.
نص حزمه نعناع مفروم.
ربع حزمه بقدونس مفروم.
بهارت منوعه (( بهارات مشكله واحلى شي بالنسبه لي ماركه الامير مرا تعطي طعم حلو للاكل + فلفل اسود + دارسين + كمون + ملح + م ك ملح ليمون + م ك دبس رمان << وسر حلاوة الطعم بهالشيين ))
زيت زيتون + حبه ليمونه معصورة .

مآء السقو ~

كاسين مآي دآفي + حبه مآجي + نص ملعقه صلصه + نص ملعقه دبس رمآن + نص ملعقه ملح ليمون + 2 فص ثوم

الطريقه ~

1- تخلطين مقادير الحشوة كلها مع بعض ، بالنسبه للبهارات من كل نوع ملعقه او ملعقتين انا انسانه ماالتزم بالمقدار احط بالنظر .

2- ضروري ترتاح الحشوة نص ساعه عشان تاخذ الطعم.

3- اغسلي اوراق الورق العنب وحطيه في مشخال او صحن عشان المويه تروح منه.

4- ابدي احشي الورق العنب و لفيه ، انا الفه بطريقيتين :
الطريقه الاولى / اطبق الطرف اللي باليمين و اللي باليسار مع بعض و الف من فوق, مثل اللي موجوده بالصور
الطريقه الثاني /اللي هي الطريقه المعتاده تلفين اول شي الطرف اللي فوق من جهه اليمين ومن ثم جهه اليسار ومن ثم من اليمين وبعده اليسار ومن الامام.

5- في قدر الضغط صبي شويه زيت زيتون ومن ثم افرشي القاع بورقتين ورق عنب ومن ثم حبات البطاطس و بعدين رصي حبات الورق العنب.

6-بعد ما تنتهين من رص ورق العنب صبي عليه ماء السقو مع فصي الثوم ، ممكن بيزيد الماي و ممكن بينقص اهم شي المويه تطلع 1 سم عن صف الورق العنب ، وحطي فوقه صحن قزاز .

7- بعد مايغلي اكتمي القدر وحطي عليه الصفاره واحسبي له نص ساعه بالضبط.

8- اتركيه يبرد وان كان مافيك صبر كليه و هو حار << مثل حالتي :-

بالنسبه للاخوآت اللي يسالون عن الصحن ..

اول شي بامكانك تحطين غطاء قدر أهم شي شي يمسك الورق العنب ..
وتقفلين قدر الضغط والغطاء او الصحن موجود .. وباذن الله ماراح يصير اي شي .
لأن الصحن او الغطاء فايدته يمسك الورق العنب من التفكك باذن الله .

يسلمو الايادي ع الطبخة الجميلة

شكرا لك اختي

تسلم ايدكـ على الطبخه الجميله دى